Beginblaad

NUATH besteit oét ein 20-tal muzikante met ein traditionele bezetting van slaagwerk, träöte, schuùve, tuba’s,baritons, alt-sax en ein sousafoon. Dit aangevöld met 2-stummige zang, accordeon en volwaerdig drumstel. Gèn podium is ós te groeët met ein program van 2 kiér 3 keteer, dit alles aanein gepraot door ós frontmen/zengers. Van stilzitte halde weej neet: eine gas CD’s staon op ózze naam. Waovan de letste “Zurtitrie”, ein verkinning in de popmezièk.

Ein 20-jäörige Venlose tradiesie van Nappes Op de Proms (waobeej weej Venlose Vastelaovesleedjes door orgineel oètveurende artiste op de bühn brachte) hebbe weej aafgeslaote. Taegeswoordigs bringe weej ’t RoèteGetoèt in de schiènwerpers, letselik op ’t euvervol Merretplein veur ’t statige Venlose Stadhoès. Ós motto: Alles kin! Van optraejes/aevenemente hoove weej finansieel niks euver te halde,’t meug ós aevel ouk niks koste.

NUATH (Neet Um Aan Te Huúre) is op 1 april 1976 opgerich en inmiddels oétgegreujd as veurwaardig meziékgezelschap en gaon zeej nimmer door ut laeve as ‘joékskepel’. De van oorsprong Venlose band traejt met name tiejes de vastelaovend op in Limburg en Duitsland. Aanspraekende optraejes haet NUATH jäörliks beej o.a. Jocus, de Boetegewoeëne Boetezitting, en wuuërt d’r aevel ouk in de ganse provincie Limburg opgetraoje. Aangezeen NUATH ouk ein stevig Kölsch repertoire haet wuuërt de band ouk regelmaotig in Pruusses geboek veur optraejes. ’t Repertoire besteit veurnamelik oét Limburgse hits van Beppie Kraft, Rowwen Héze en de Schintaler, aangevöld met nummers van o.a. Die Bläck Fööss, Die Höhner, maar auk Micky Krause, Tim Toupet, Avicii, Status Quo en de Rolling Stones. Anders dan beej o.a. joekskapelle waere de optraejes met zang versterk.

NUATH haet wiés noow ein veertal cd’s oétgegaeve.
– 1995 “Nappes op de Vim”
– 2000 “Oétverkoch”
– 2005 “Derds” D’n óndertitel van dees CD is “NUATH en vrinde”
– 2008 “Projec Zurtitrie”

Info@NUATH.nl         +316 18 37 54 59
Plataanstraat 19        5931 KH Tegelen