11 november 2011
Nao 7 kièr Nappes op de Proms waord ’t tièd veur waat niejs. ’t Aevenement stónd (ónder aanveuring van ’t commitee: Joep, Frans, Ton, Lucas, Paul & Erik) wie ein hoès. NUATH, Mixx, de oétveurende artiste én de Venlonaere hebbe d’r eine geweldige tièd aan belaef met fantastiese herinneringe. Maar noow is ’t tied veur waat niejs, zoe-as gezag. Op dees pagina kint geej ’t allemaol gaon volge en meimake !!!!!
14 jannewari 2012
Nao waat gedachtespinsels in de zomer en hersegepruttel in ’t naojaor, kwaam ’t hoeëge waord d’r oèt örges veur de Kers: Weej gaon ein niej aevenement oèt de klei trekke !!! Gelièk daonao ein kemissie “aangeweze”, die zièn nao waat breenstorms waat liènkes gaon oètgoëje. Inmiddels is duùdelik det ’t ein-en-ander daorgeng geit vinde. Op dit moment waere de oètgegoëjde liènkes aangetrokke en binnegehaold! Nao vaerdere details mót geej nog efkes “gokke”……
28 jannewari 2012
Meiwerking/sponsering is inmiddels toegezag door (en det waardere weej zièr):
-
- Ós thoeshónk !
31 Jannewari 2012
Jaowaal, weej zièn waer ein stök wiejer. De naam is vastgelag: NUATH’s RoèteGetoèt……… Binne aafzeenbare tièd laote weej weite wae d’r zoe-al met ós mei duut. Um óg alvès ein bietje op te werme:
6 fibberwari 2012
Thom Spierenburg geit plaetjes scheete van ’t RoèteGetoèt. Thom is eine waore fotokunstenaer dae weej kinne van zièn plaetjes van Nappes Op De Proms 7 – De Finale. Beej gebrek aan ein (bedrief-)logo mót geej ’t doon met zièn mörfke:
Veur de vrouwluu: Thom is al vergaeve !!
10 fibberwari 2012
Ós (maar ouk andermans) Emmy (Cleophas) haet ein fónkelend ei gelag, en waat veur ein. ’t RoèteGetoèt-baeld steit vas en ’t zuut d’r SUPER oèt. Emmy hardstikke bedank !!!!
11 fibberwari 2012
Jao. ’t geit rap beej de “GaevelPraevelaers” van ’t RoèteGetoèt. Noow ouk de poster klaor !!!!!
18 fibberwari 2012
20 fibberwari 2012
Alle veurbereidinge zièn aafgerónd (zónder GaevelPraevelaer D.: dae waas ein waekske op vekansie in de USA met ziène werkgaever). Siem Hovens geit ein fillum make van ’t hiele gebeure. ’t Leech, geluud, gastartiste en weej zièn d’r hièlemaol klaor veur. EN ‘T ZUNKE SCHIÈNT…….. Waat wille weej og miër ? Allemaol kómme: weej hebbe zin d’rin, heb geej det ouk ?
22 Fibberwari 2012
Vastelaovend 2012 is alwaer veurbeej, ein ónvergaetelikke edisie. Veur ’t iërs waas DeSt1 ós thoeshónk. En ’t RoèteGetoèt: weej zièn gruuëts op ós niej aevenement. De Steinstraot stónd bómvol, ein geweldig publiek wao-ónder ein super-sjieke sfeer heerste. Weej bedanke ós sponsore en meiwerkende artiste, geej heb gezörg det ’t RoèteGetoèt ein succes is gewaore !!!! Volgende jaor ein nieje versie !!!!
Ziër binnekort kómme weej met moeij fillumkes en plaetjes….
23 Fibberwarie 2012
De iërste sfeerimpressie van ’t RoèteGetoèt op fillum is ein feit, kièk en geneet met ós mei !!!
17 maart 2012
En heej ’t RoèteGetoèt op Vastelaoves Dinsdaag. ’t Haet effe gedeurd, maar dan hebse ouk waat. Veur noow: dit waas ’t veur waat betref de verslaaglegging 2012-ediesie, weej zeen/huùre ós euver pak-weg ’n jaor !!!
_______________________2013 Edisie_____________________________
28 november 2012
Jaowaal…….. de iërste beejeinkóms veur de 2013-oètveuring van NUATH’s RoèteGetoèt haet plaatsgevónde. De kemissie löp weer euver van enthoesiasme. Netuurlik hebbe weej ós aafgevraog waat zekers behalde mót waere, maar ouk wao ’t baeter kin. Vaerder zien de take verdeild en hebbe weej ós dus opgemak veur de twieëde oètveuring.
3 maart 2013
Vastelaovend 2013 is alwaer veurbeej en ’t RòeteGetoèt dus ouk. Man waat waas ’t waer een fees dao in de Steinstraot. In groeëte getale ziet geej aangeschaove. De Steinstraot puúlde oèt, en dao doon weej ’t veur. Laura Bremmers het ’t aevenement vastgelag op de geveulige plaat, de maondaag oètveuring kint geej heej zeen.
11 maart 2013
’t Is efkes aanpaote um de plaetjes en fillumkes um te tovere tot iets waat op internet geplaats kin waer, maar dan hebse ouk waat. Met gruùtsigheid verwièze weej óg gaer daor nao ’t fillumke van de Maondaagedisie van ’t RoèteGetòet. Geschaote door Era en Bart van de VideoFilmClub Noord-Limburg.
17 maart 2013
De Paoshaas steit haos aan de deur te kloppe. ’t Zunke kump sóms al daor. ’t Deurt efkes um al ’t foto- en fillummateriaal te rangschikke/bewerke/umhuùglaaje, maar dan hebs ouk waat.
Wilt geej truùkkièke op ’t RoèteGetoèt 2013, bezeuk dan ózze Multimedia (Foto’s en Fillumkes) pagina !!!
Weej bedanke alle meiwerkers, zengers, Hertje Venlo en ’t aanwezige publiek van ganser herte, geej heb d’r eine geweldige en sfeervol fees van gemak !!!
_______________________2014 Edisie_____________________________
9 december 2013
Weej zien begós aan de veurbereidinge van de 2014 oétveuring. Dit kiér kint geej (as publiek)´t programma mei samestelle. Tot 14 Fibberwarie aanstaonde kint geej stumme op óg veurkeursleedjes (maximaal 3). Aevel neet dökker as 1x per daag !!!
8 Fibberwari 2014
D’n poster van dit jaor’s RoèteGetoèt. Dit jaor doon met ós mei:
Kim Boots
Bert van den Bergh
René Scheffer
Noud & Tim
Marcel Verdellen & Paul Joosten
Mieke & Maike Stevens
Alwaer ein set aan klinkende name !!!
15 Fibberwari 2014
Dit jaor kóste alle Vastelaovesgekke stumme op eur kwantste leedje. De top 5 wuuërt opgenaome in ’t programma. In groeëte getale heb geej mei gedaon, de top 5 is gewaore:
1. Venlo Stedje
2. Dich maks de kachel met mich aan…..
3. Ik höf mien glaas
4. Disco Dens
5. D’n Duitse Medley
17 Fibberwari 2014
Tiejes ’t Roètegetoèt op de Maondaag halde weej ein pauze umdet ’t ein langk program is èn …… dan kint geej efkes beejkómme, beer beejtenke, pisse of efkes kösmoéle. ’t Ind is rónd 22:00 oor, vreejhalde in ógge vastelaovesagenda dus !!!!
19 Fibberwari 2014
En alwaer niejs. Dit jaor zulle Paul Zuidberg en Marga Kuijpers plaetjes scheete van ós RoèteGetoèt. Paul haet net ein Fotocursus aafgerónd, terwièl Marga in zièn gene creativiteit al ingebakke haet (te uige op www.schilderie.nl).
26 Fibberware 2014
RoèteGetoèt in ’t niejs
5 Maart 2014
De wasmesjiene haet verschillende kiëre gedreijd, de rómmel is opgeruùmp, de vloer confettivreej gemak. ’t RoèteGetoèt waas weer ens ein super succes. We bedanke alle artiste, meiwerkers en ós pebliek. Geej heb d’r 2 waanoètveuringe van gemak.
7 Maart 2014
Op ’t Feesbook, Twitter maar ouk op deze plek waere de multimediale uitinge geplaats. Paul Zuidberg haet eine gas plaetjes geschaote. Wie heejónder te zeen. Paul hardstkke bedank !!!
20 Maart 2014
Ouk Marga Kuijpers haet plaetjes geschaote van ’t RoèteGetoèt. Umdet Marga zoeënuuëdig meus skieje nao de Vastelaovend en Schuùver D. veur ziene werkgaever op paad waas haet ’t efkes gedeurd…..
Marga, dich bis ein schilderie…. bedankewaal !!!
_______________________2015 Edisie_____________________________
25 oktoeëber 2014
Weej zièn weer van start gegaon met de veurbereidinge van ’t aanstaonde RoèteGetoèt, eine andere waeg inslaond (laes: nog tòffer). De tièdstippe bliève aevel óngewiezig: Vastelaoves Maondaag én Dinsdaag um 19:11 oor. Vreejhalde in ógge Vastelaovesagenda meine weej !!!
23 Jannewarie 2015
Weej zièn ingehaold door de schrièvende pers. Met gruuëtsigheid meuge weej melde det ’t RoèteGetoèt in de sjiekste roète van Venlo geit plaatsvinde: ’t Stadhoes ! Mei door toedoon van Jocus, ózze Börgervader en de Venlose Gemeinteraod…. Wie Joeksjiek is det dan waal neet ?
Nao ’t geheimzinnige gedeuns achter de scherme en oètintelikke behandeling in de Venlose Gemeinteraod haet Tante Bet, in de persoeën van Harry Lücker, de primeur. 1-0 Veur Harry, maar ’t gefluuster geit door: wae zal met ós meizinge in de StadhoèsRoète ????
En waat te doon op de maondaagaovend ?????
30 Jannewarie 2015
’t Is nog maar kort daag……. Maar alle puzzelstökskes valle in mekaar. Gister hertelik óntvange door de gemeinte-ambtenare um ’t ein-en-ander door te spraeke en de Roète in augeschouw te neme. Zuùt d’r allemaol ideaal oèt. ’t Program steit inmiddels vas, met ós meizingende ZangGroeëthede hebbe enthousias toegezag. Ouk zoeë veur de fotograve en fillummers !!! Idderein bliej…. det wuuërd eine Joeksjieke aovend meine weej !!!!
10 Fibberwarie 2015
Nog maar 7 daag te gaon. Haos alles is geraegeld. Binnekort wuuërd d’n digitale poster gepubliesaerd met dao beej de bekindmaking van de meizingende ZangGroeëthede. Taeves hebbe weej dan ouk ós niej logo, det wuuërd momenteel gekreatievaerd door ós aller……
Heej kint geej nog ens truùkkièke op de fillumopname van veurig jaor !!!
11 Fibberwarie 2015
Jaowaal zoë-as belaof heej ózze flyer, met dank aan ós goldstök Emmy veur ’t hartstikke sjieke logo. Let veural op de meiwerkende artiste. As det gèn groeëte name zièn ? Super gruuëts zièn weej !!!!
13 Fibberwari 2015
Alweer RoèteGetoèt niejs…… Bart Smits, Ben Janssen, Bernie Schouren, Era Schouren & Laura Bremmers gaon ’t ganse gedeuns vaslegge op de geveulige plaat !!!!!
17 Fibberwari 2015
Vanaovend geit ’t loos, weej hebbe zin d’r in….. Heb geej det ouk ??
Plaetje(s) geschaote van ’t RoèteGetoèt ? Gebroèk d’n hashtag #RTGTT !!!
Doorsteure nao ós Feesbook kin netuùrlik ouk of nao Info@NUATH.nl.
18 Fibberwari 2015
Waat waas ’t RoèteGetoèt Joeksjiek. Weej vónde ’t waanzinnig super um veur óg te doon. ’t Haet ós good gedaon det geej in zón groeëte aantalle aanwezig waas.
Zo’n aevenement op dees groeëte schaal met zoevuùl muzikante op zón groeët plein waat zich gedruuëg as ein groeëte echoput. Maar ’t is ós gelök. Met “ós” bedoele weej: VenloTech, De Venlose Gemeinte, VVG Jocus en SHAV. In de iërste plaats geit ózze dank oèt nao dees minse.
Maar zónder bezeukers wuuërd ’t auk niks…… daorum: ózze dank aan alle bezeukers. Op nao volgend jaor zegge weej !!!
Kómmende paar daag kint geej de vasgelagde plaetjes en fillemkes op dees pagina truuk vinde….
Heej alvès de iërste serie, en waal van Laura Bremmers. Laura is ein enhousiast aan de waeg tummerende fotografe. En plaetjes schete kin ’t, zellufs ónder dees extreem lastige “beleechtings”cóndisies (en dan nog ens op ‘nne afstand van 111,11 maeter).
19 Fibberwari 2015
De volgende fotoserie van Ben Janssen hebbe we op ós websait gezatte. Ben haet halsbraekende toere mótte oèthaole um de moeijste plaetjes te kinne make. Euveral in ’t Stadhoès kwame weej um taege. Ben hartstikke bedank daoveur !!
20 Fibberwarie 2015
Ouk Bernie haet eine ware survivaltoch oètgeveurd in ’t Stadhoès. Zien plaetjes kint geej heej vinde !!!
1 Maart 2015
Tja…. asse met 3 kamera’s steis te fillumme dan hebse eine houp materiaal wao se daorhaer mós worstele. En det is noow veur de helluf achter de rök, heejónder ein registratie van ’t RoèteGetoèt 2015 – de iërste helluf…..
15 Maart 2015
Jaowaal…. Nèt nao HalfVaste maar ruùm veur de zomertrek, de 2e helluf van ’t RoèteGetoèt-fillumke is aaf. Weej vinde ’t waanzinnig……. Heej te zeen !!!!! Waat is det naogeneete. Vanaaf dees plek nog ens: Bedank idderein dae op ein of andere wiès haet beejgedraage aan ós RoèteGetoèt………… BEDANK VENLO……
_______________________2016 Edisie_____________________________
7 November 2015
De aanvraog beej de Venlose Gemeinte veur ’t RoèteGetoèt 2016 is ingedeend. Naor zegge kump ’t 10 november in de Gemeinteraod “veurbeej”.
11 November 2015
Wie kwant is det ??? Vandaag, op 11van11, huùre weej van de Gemeinte Venlo det ’t RoèteGetoèt weer vanoèt ’t Stadhoès gehalde meug waere. Bedank Gemeinte daoveur. Iërste reaksie van ózze veurzitter: “Briljant zin in”.
19 December 2015
Aafgeloupe waeke flink aan de gangk gewaes. De multimediaploog is oètgebreijd met Patty Penders; nog gèn plaetje of fillumke geschaote maar noow al ein aanwins. Laura, Ben en Bernie zièn ouk weer van de partiej netuùlrik. Daobeej ouk nog ens (ónder ’t genot van ein gerstesepke) met de SHAV, VenloTech én Jocus beejgepraot. Artiste zien ouk bekind. De vleeger steit d’r aan te kómme. M.a.w. weej zièn good op waeg !!!
4 Jannewari 2016
Jaowaal, de meiwerkende artisiste zièn ouk bekind; allemaol klinkende name netuùrlik. Det wuuërt feeste. Daomei hebbe weej ouk de vleeger definitief kinne make:
8 Fibberwari 2016
Daor umstandigheeje start de 2e helluf ein halluf oor later….. Maar det meug de pret neet drökke, des te miër ruùmte veur ’t pauzenummer….. Ut wuuërt weer kwant !!!
Wies morge !!!!!!!!
10 Fibberwari 2016
Ós fotografies geheuge van ’t RoèteGetoèt 2016.
Met joeksjieke dank aan Laura Bremmers, Bernie Schouren en Ben Janssen.
RoèteGetoèt: Klik um ’t ganse album te zeen !
Ouk dank aan die met ós meibrölde: Kim Boots, Ron Dings, Marinho Peters, Jaques-paul Joosten, Chris Thenu en Joost Cornet.
Vaerder ein lofträöt veur de Gemeinte Venlo, Ton Lamberts, Joep Schouren, VVG Jocus, VenloTech, Theo Brans, Ron Lips en de kefees aan de Merret.
Bewaegende baelde gemak door Patty Penders gaon kómme !