20 & 21 fibberwari 2012 Weej smiète ein niej aevenement de Venlose Vastelaovend in; NUATH’s RoèteGetoèt. Vanaaf de vinsterbanke van DeSt1, Hertje Venlo, Baer De Woers en De Alde Merret gaeve weej (same met eine gas bevrinde vastelaoveszengers) ein muziekale Vastelaovesgroet aan ’t massaal toegestruumde publiek. De Steinstraot waas ruum te klein, straotvastelaovend wie vruuger jaore !
23 jannewari 2011 Nappes Op De Proms 7 (De Finale) wuuërt op de plenk gebrach. Truuk wao ’t begós is: De Venlonazaal. Ein ónoètwisbare herinnering veur ós en ouk veur ’t publiek. ’t Dreijbook veranderde neet miër en det waas persies de raeje um aafschied te name van ’t aevenement. De herhaoling goof gen oètdaging miër, aevel gruuëts um NOPD nog ein kiër te laote vlamme
17 fibberwari 2009 NUATH wuuerd tiejes ein feesje ter iere van ´t Jocus Dreejspan door Vors Joeccius XI middels ein proclamatie verheve tot Prinselikke Joekskapel.
14 fibberewari 2009 ´t nummer Zoepkoel truuk van de gelieknamige CD van NUATH/Projec Zurtitrie behaold de 4e plaats in de Venlose 15
7 fibberwari 2009 NUATH Veurzitter Lucas wuuërd oètgerope tot Jocus Stadsprins 2009. Sikkertaris Joep en wermherttoedrager Paul Kusters waere zien Adjudante. Ein waor NUATH fees dus waat ein geweldig hoeëgtepunt is in ’t 33 jaorig jubileum.
17 & 18 jannewari 2009 De 6e oètveuring van Nappes op de Proms wuuërd weer ein grandioos succes. We vraoge ós neet miër aaf of, maar wannier de volgende aaflevering kump.
17 jannewari 2009 Ózze Luc wuuërd oètgerope as Nar Luc 1 van de 3-Kes.
November 2008 NUATH/Projec Zurtitrie haolt ein 2e plaats in de Venlose 15 én ein stip notering in de L1mbo Top 10 met ’t nummer Brave stad aan de Majjem. De videoclip wuuërd op de lokale én regionale zenders regelmaotig gedreijd. Diverse artikele waere in krant en waekblaajer geweid aan ós projec.
21 September 2008 Vandaag kump alles beejein tiejes de CD prissentatie in Baer de Woers. Ein compleet programma met de band Dageraad in ’t veurprogramma. De prissentatie van de band, de CD én de Clip waere ziër good óntvange. Opmerkinge as: Spectaculair, verrassend en muzikaal hoeëgstaond waere düchtig rondgestruijd. As aafsloèter speult ’t Greun Louk Collectief. Ouk dit iërste optraeje in Venlo van dees jónge band wuuërd ziër good óntvange.
Augustus 2008 Op ‘nne snikheite zaoterdaag wäere de opnames veur de videoclip Brave stad aan de Majjem gemak. MediaCreations sleip ós mei nao locatie aan de Maas (in ein weiland) op de stadsbrök, aan de liège loswal, beej Domani en beej ’t schilderwerk “Klaoskerk”. Ouk wuuërd de letste hand gelag aan ’t hoesóntwerp. Kunstenaer Rob Franssen en grafisch ónwerper Roy Keeren maken ein schitterende CD-hoes.
28 & 29 Juni 2008 Studio opnames van de gesillecteerde nummers veur Projec Zurtitrie. Oétintelik wuuërd beslaote um 5 nummers op de CD te plaatse i.p.v. de geplande twieë. Ouk besloète de jeugdige(re) leeje um de clip te make beej ’t nummer Brave stad aan de Majjem.
September 2007 Start Projec Zurtitrie
13 & 14 jannewari 2007 5e Oetveuring van Nappes op de Proms beej Baer de Woers. Binne ein waek oétverkoch. Opniej hebbe we de lat hoeëger gelag en is alles waat we woele bereike tiejes Nappes gehaold. Ein fantastisch evenement!!!!
6 jannewari 2006 Prissentasie van de 3e NUATH CD “NUATH en Vrinde – DERDS”.
Ein CD met os muzikale vrinde Sjraar Peetjens, Rene Scheffer, Banda Topa Tinga, Roy Grutters, Bart Houtermans, Tom Bartels en Teddy Lekatompessy.
5 jannewari 2006 Ózze beschermhier Hermke Willems euverlied nao ein sleipende ziekte op 63 jaorige laeftied.
28 augustus 2005 NUATH steit op plaats nummer 19 van de Venlose Top-30 allertieje met ut (Nappes-4) nummer Mooder Maas.
16 jannewari 2005 Officiesjele “ingebroekname van niej pakke en niej leeje”
Aswoensdaag 2004 NUATH oppe veurpagina, en ein “paginagroeëte fotorippertage in Tante Bet. Kiek ouk ens oppe fotopagina!
Vastelaovend 2004 De Mooder Maas video-clip is alle vastelaoves daag te zeen op L1
18 jannewari 2004 Nappes op de Proms 4 & prissentasie van os CD-CDROM “Oètverkoch”. Prissentasie van de MooderMaas Video-clip, de CD en CD Hoes van òs CD Oètverkoch. De hoes is ein aafgeleide van de Nappes op de Proms 4 poster (of anders-um)
7 december 2003 Opnames Videoclip Mooder Maas t.b.v. Nappes op de Proms 4.
Ruud Spee mak de opnames, haet de regie én mak de oètintelikke clip. Met “guest appearences”van o.a. Fred Honig, Harold Dückers, Claudia Vriens, Kyara en Bas.
2 november 2003 Opnames 2e CD NUATH (Werktitel: Oètverkoch)
1 maart 2003 Optraeje as Bühne-kepel van Lei Meissen op de Brand Beer Biezondere Parade Zitting veur ruùm 7000 luuj!
1 april 2001 25 jaor NUATH
21 jannewari 2001 Nappes op de Proms 3 in de Venlonazaal
1 april 1998 2x 11 jaor NUATH. Op deezen feestelikken daag wuuërd veur ’t iërs ’t door Juwelier Boermans vervaerdigde zilvere 2 x 11 NUATH-speldje oetgereik
18 jannewari 1998 Vanwaege ut succes, en ôs 22 jäörig jubileum kump der ein vervolg op “Nappes”, logischerwies kump det aevement “Nappes op de Proms 2” te heite.
14 jannewari 1996 Beej gelaegenheid van ut 20 jäörig bestaon van ós kepel (en umdet we waat pieke euverhadde) wuuërd ozzen druim verwezenlijk: de 1e oetveuring van Nappes op de Proms in de Venlonazaal. Ein zier succesvol spektakel, met eine revival van Funs van Grinsven, Sjraar Peetjens en vuule andere “vergaete” Venloosche vastelaoves artieste.
5 november 1995 Prissentatie van de 1e CeeDee “Nappes op de Vim”. Ein live opgenaome CD met 11 nummers, die tiejes de prissentatie in de Venlonazaal al oètverkoch waar. Totaal zien der ruum 1000 stoks verkoch!
1 april 1987 11 jaor NUATH
1 april 1985 De gemeinte Venlo guuëf ein kaartspel oét. NUATH wuuërd, mét foto, geplaats op speulkaart Klavere-8.
1 april 1980 NUATH “zelfstandig”, m.a.w. NUATH is vanaaf noow ein ongebonde Joekskepel, los van Loreal!
1 april 1976 Oprichtingsdatum JK NUATH, samegesteld oèt leeje van Handbalvereiniging LOREAL oèt Venlo